Stuðul til reingerð

Vitandi um, at fleiri borgarar aftra seg við at keypa sær reingerðartænastu vegna gjaldið, tey mugu rinda, hevur stýrið fyri Norðoya Bú- og Heimatænastu (NBH) samtykt at fara undir eina royndarverkætlan, har NBH rindar ein part av gjaldinum til reingerðartænastuna. Stuðulin er í fyrstu syftu ætlaður teimum, ið bert fáa fólkapensjón. Verkætlanin fevnir um møguleika fyri at veita 30 persónum fíggjarligan stuðul til reingerðing.

Til ber at søkja um fíggjarligan stuðul til reingerðartænastu við at venda sær til tel. 410000, yrkadagar millum kl. 10 – 16, ella við at útfylla umsóknarblað, sum fæst her.

Tá ið NBH hevur móttikið umsóknina, verður umsóknin latin ergoterapeutinum Maluni Steinhólm ella Oliviu Mikkelsen. Onnur teirra kemur til tygara at meta um tygara førleika og tørv. Játtan til stuðul er treytað av, at ergoterapeuturin metir, at tørvur er á reingerðarhjálp.

NBH hevur gjørt avtalu við reingerðarfyritøkuna í Norðoyggjum “Reingerðartænastan” við Allan Joensen. Vanligur tímatakstur er 300 kr, men við stuðli frá NBH verður brúkaragjaldið 200 kr.