Reingerðarfólk til Heimið við Vágna

Reingerðarfólk til Heimið við Vágna

Vit sóknast eftir
Reingerðarfólki á setanarbrøki 0,5, at byrja 1. juli 2021 ella eftir nærri avtalu. Arbeitt verður í dagtímum og á yrkadøgum.

Á Heiminum við Vágna eru 16 búpláss og 8 umlættingarpláss.

Førleikakrøv og karmar
Vit vænta:
– At tú ert røkin og kennir týdningin av góðum reinføri í mun til trivnaðin og heilsuna hjá búfólkunum.
– At tú hevur góð evni at samskifta og samstarva við bú- og starvsfólk.
– At tú ert fleksibul í mun til at loysa arbeiðsuppgávurnar og til framhaldandi at menna eina dygdargóða tænastu.

Vit kunnu bjóða tær eitt arbeiðspláss við góðum kørmum og góðari innleiðslu.

Virksemið hjá Norðoya Bú- og Heimatænastu, NBH, tekur støði í nærveru, fleksibiliteti og høgum fakligum støði. Hesi virði síggjast aftur í visjónini fyri NBH, sum er soljóðandi:
– NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.
– NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.
– Fyritreytin er eitt hugvekjandi øki, sum er grundað á álit, høgt fakligt støði og virðing.

Lønar- og setanartreytir
Lønar- og setanartreytir eru sambært sáttmálanum millum Føroya Arbeiðsgevarafelag og Klaksvíkar Arbeiðskvinnufelag.

Nærri kunning um starvið fæst við at venda sær til Katrin Hansen, deildarleiðara, á tel. +298 793440 ella við telduposti til katrinha@nbh.fo.

Umsókn, við avritum av prógvum v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.

Umsóknarfreistin til starvið er á middegi 17. juni 2021.