Vit sóknast eftir

Reingerðarfólki á setanarbroti 0,625 at byrja skjótast gjørligt. Arbeitt verður yrkadagar frá kl. 08:00 til 13:00.

Á Heiminum við Vágna búgva 22 búfólk, og tvey pláss eru til stutttíðarpláss.

Førleikakrøv og karmar

Vit vænta:

• At tú ert røkin og kennir týdningin av góðum reinføri í mun til trivnaðin og heilsuna hjá búfólkunum.
• At tú hevur góð evni at samskifta og samstarva við bú- og starvsfólk, eins og avvarðandi.
• At tú ert fleksibul í mun til at loysa arbeiðsuppgávurnar og til framhaldandi at menna eina dygdargóða tænastu.

Vit kunnu bjóða tær eitt arbeiðspláss við góðum kørmum og góðari innleiðslu.

Sum liður í at stuðla undir heilsu og trivnað bjóðar Norðoya Bú- og Heimatænasta, NBH, øllum starvsfólkum at venja ókeypis í venjingarhølunum Ven og Virka.

Virksemið hjá Norðoya Bú- og Heimatænastu, NBH, tekur støði í nærveru, fleksibiliteti og høgum fakligum støði. Hesi virði síggjast aftur í visjónini fyri NBH, sum tú kanst kunna teg um á heimasíðuni, https://nbh.fo/nbh/.

Lønar- og setanartreytir

Lønar- og setanartreytir eru sambært sáttmálanum millum Føroya Arbeiðsgevarafelag og Klaksvíkar Arbeiðskvinnu- og Arbeiðsmannafelag.

Nærri kunning um starvið fæst við at venda sær til Kristinu Nysted, deildarleiðara, á tlf. +298 793440 ella við telduposti til kristinan@nbh.fo.

Umsókn, við avritum av prógvum v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, FO-700 Klaksvík.

Umsóknarfreistin til starvið er á middegi 25. september 2025.