Heimið við Vágna søkir eftir sjúkrarøktarfrøðingi og heilsuhjálpara til Heimið við Vágna
Brennur tú fyri at skapa góð og virðilig kor saman við bú- og starvsfólkum á Heiminum við Vágna, so er tað kanska tær, vit sóknast eftir.
Vit sóknast eftir
- Sjúkrarøktarfrøðingi á setanarbrøki 0,7 at byrja 1. august 2017, ella eftir nærri avtalu
- Heilsuhjálpara á setanarbrøki 0,6 at byrja 1. august 2017, ella eftir nærri avtalu
Arbeitt verður í skiftandi vaktum og annaðhvørt vikuskifti.
Á Heiminum við Vágna er pláss fyri 24 fólk á trimum eindum. Tvær eindir eru við føstum búplássum, meðan ein eind verður nýtt til umlætting.
Høvuðsuppgávan hjá starvsfólkunum á Heiminum við Vágna tekur støði í visjónini hjá Norðoya Bú- og Heimatænastu (NBH), sum er:
- NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.
- NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.
- Fyritreytin er eitt hugvekjandi øki, sum er grundað á álit, høgt fakligt støði og virðing.
Førleikakrøv
- Útbúgving, sum svarar til størvini
- Áhuga í at arbeiða við eldri borgarum
- Áhugi og royndir innan demens er ein fyrimunur
- Góð samstarvsevni
- KT-førleika á brúkarastøði
Vit kunnu bjóða
- Stórar fakligar avbjóðingar
- Spennandi og sjálvstøðug størv
- Gott samstarv við onnur fakfólk
Lønar- og setanartreytir:
Lønar- og setanartreytir eru sambært galdandi sáttmálum.
Nærri kunning um størvini fæst við at venda sær til Merry Hansen, deildarleiðara, á tlf. +298 793440.
Umsókn, við avritum av prógvum, autorisatión v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.
Umsóknarfreistin til størvini er á middegi, mánadagin 3. juli 2017.