Nýggjur deildarleiðari í Dagtilhaldinum Sóljan

Nýggjur deildarleiðari í Dagtilhaldinum Sóljan

Rúna Løkságarð Josephsen er nú virkandi deildarleiðari í Dagtilhaldinum Sóljan.

Annika Vágsheyg, sum hevur verið deildarleiðari fyri bæði Dagtilhaldinum Sóljan og Dagtilhaldinum Búðatrøð er í farloyvi, og tí verður økið, í eina tíð, umskipað nakað.

Søkt verður í løtuni eftir deildarleiðara til Dagtilhaldið Búðatrøð.

Annars er at siga, at síðani Dagtilhaldið Sóljan flutti inn í nýggj høli á Stoyksoyravegi, at borgararnir hava verið sera væl nøgdir við snotiligu hølini, sum nú eisini er merkt við nýggjum og fínum búmerki.