Fríggjadagin 19. januar kl. 14.00 verður móttøka í nýggju hølunum í Dagtilhaldinum á Viðareiði. Á skránni verður røður, tónleikur, kaffi og okkurt søtt afturvið.
Eitt av endamálunum við nýggja dagtilhaldinum er at bjóða heimabúgvandi fólkapensjónistum norðanfyri fjall eitt savningarstað til hugnaliga samveru.
Virksemið í dagtilhaldinum verður skipað í tøttum samstarvi við tey, sum koma, soleðis at tað er tørvurin og áhugamálini hjá teimum, sum eru virkin í dagtilhaldinum, ið myndar dagskránna.
Ein faldari við kunning um dagtilhaldið, og innbjóðing til móttøkuna, er sendur til øll húski norðanfyri fjall, men øll eru hjartaliga vælkomin.
