Vit sóknast eftir
Røktarstarvsfólki í fast starv til Heimatænastuna skjótast til ber. Setanarbrotið verður eftir avtalu og arbeitt verður í skiftandi vaktum dag, kvøld og annaðhvørt vikuskifti.

Førleikakrøv og karmar
Til starvið krevst útbúgving sum heilsuhjálpari ella heilsurøktari. Hevur tú royndir at arbeiða við eldri fólki, eitt nú á eldraøkinum, ert tú eisini vælkomin at søkja, hóast tú ikki hevur útbúgving.

Vit vænta, at tú hevur góð evni at samskifta og samstarva, eins og hug og hegni til at arbeiða heima hjá borgarum í Norðoyggjum og soleiðis stuðla teimum í at búleikast heima sum longst. Somuleiðis vænta vit, at tú ert opin og fleksibul í mun til skiftandi tørvir hjá borgarunum og harvið ymiskar
arbeiðsuppgávur frá degi til dags.

Útbúgving og royndir innan demensøkið kunnu vera ein fyrimunur.
Vit kunnu bjóða tær eitt sjálvstøðugt og spennandi starv við nógvum fakligum avbjóðingum og góðum samstarvsfeløgum.

Fyri at stuðla undir tína heilsu, bjóða vit tær at venja ókeypis í venjingarhølunum ‘Ven og Virka’.

Virksemið hjá Norðoya Bú- og Heimatænastu, NBH, tekur støði í nærveru, fleksibiliteti og høgum fakligum støði. Hesi virði síggjast aftur í visjónini fyri NBH, sum tú kanst kunna teg um á heimasíðuni, nbh.fo/nbh

Lønar- og setanartreytir
Lønar- og setanartreytir eru sambært galdandi sáttmálum millum KAF og Heilsuhjálparafelag Føroya ella Heilsurøktarafelagið. Nærri kunning um starvið fæst við at venda sær til Per Johannessen, deildarleiðarar, á tel. +298 793470 ella við telduposti á perj@nbh.fo.

Skrivlig umsókn, við avritum av prógvum, autorisatión v.m., verður at senda til Norðoya Bú- og Heimatænastu, Nólsoyar Pálsgøta 32, FO-700 Klaksvík, ella við telduposti til nbh@nbh.fo.

Umsóknarfreistin til starvið er 6. januar 2025