Heimasjúkrarøktarfrøðingar veita tænastur alt døgnið til borgarar í Norðoyggjum, sum hava ein visiteraðan tørv.
Heimasjúkrarøkt fevnir um sjúkufyribyrging, sjúkrarøkt, endurmenning, uppsøkjandi arbeiði og almenna heilsuvegleiðing. Endamálið er at fyribyrgja sjúku, stimbra sálarligu og likamligu heilsu og trivnað borgarans, endurmenna mistan førleika, stimbra møguleika hins einstaka at klára seg sjálvan og veita røkt og umsorgan.
Heimasjúkrarøkt er ókeypis og umfatar borgarar í øllum aldri, bæði í mun til bráðkomna og kroniska sjúku. Sjúkrarøktin verður veitt heima hjá borgaranum ella á bústovni.
Avgerð um at veita sjúkrarøkt verður tikin við støði í eini fakligari meting.
Um einum tørvar sjúkrarøkt ber til at venda sær til NBH á tel. 793400, yrkadagar millum 8.00 – 15.00 ella senda umsóknarblað, sum fæst her.
Deildarleiðari er Per Johannessen, sjúkrarøktarfrøðingur.
Adressa:
Bøgøta 34
Tel. 793480
nbh@nbh.fo